தீக்குளிக்கச் சொல்லாதீர்கள்

Karthick Ramasamy

2019-06-07

உங்களுக்கான நண்பர்களை, வாழ்க்கைத்துணைகளை அல்லது சித்தாந்த/அரசியல் கொள்கையைகளை/தலைவர்களை தேர்ந்தெடுக்க எவ்வளவு காலம் வேண்டுமானாலும் எடுத்துக் கொள்ளுங்கள்.

முடிவு செய்த பிறகு உங்களிடம் நிரூபிப்பதற்காக தினம் தினம் அவர்களை தீக்குளிக்கச் சொல்லாதீர்கள்.

சீனா தேசம் சென்றாலும் சீர் கல்வியை கற்றுக் கொள்

Lafees Shasheed

2020-07-04

'சீனா தேசம் சென்றாலும் சீர் கல்வியை கற்றுக் கொள்' என்பது முஸ்லிம் சமூகத்தில் மிகவும் பிரபல்யமான ஒரு நாயக வாக்கு. ஆனால் உண்மையில் இந்த ஹதீஸை (?) ஒரு புனைந்துரை (மவ்லூஆத்) என்கிறார்கள் ஹதீஸ் திறனாய்வாளர்கள். சிலர் இதனை புனையப்பட்ட அறிவிப்பு கூட அல்ல, மாறாக இது இமாம் ஷாபிஈ (ரஹ்) அவர்களின் கூற்று என்கிறார்கள். எப்படியோ இது ஆதாரபூர்வமான நாயக வாக்கு அல்ல. ஆனால் முஸ்லிம் வெகுஜன உளவியலில் கல்வியின் முக்கியத்துவத்தை உணர்த்தும் வகையில் கூறப்பட்டுள்ள ஹதீஸ்களில் இந்த அறிவுப்பு அளவுக்கு நன்றாக பதிந்து போன வேறு ஹதீஸ்கள் கிடையாது. கல்வி குறித்த இதர ஆதாரபூர்வமான ஹதீஸ்களை விஞ்சிய பிரபல்யம் 'சீனா தேசம் சென்றாலும்...' ஹதீஸுக்கு உள்ளது. இந்த அறிவிப்பின் கருத்தாக ' ஒருவேளை, சீனா வெகு தொலைவில் உள்ள நாடாக அக்காலத்தில் கருதப்பட்டமை ஆக இருக்கும். அல்லது அது (சீனா) அக்காலகட்டத்தில் விஞ்ஞானத் துறையினதும், தொழிற் துறையினதும் தொட்டிலாக புகழ்பெற்று விளங்கியதனாலும் இருக்கும் ' என்கிறார், உஸ்தாத் முர்தஸா முதஹ்ஹரி... ஆனால் எனக்கு ஷெய்க் முஹம்மத் அல் கஸ்ஸாலியின் அணுகுமுறை அடிப்படையில் இந்த பிரபல்யமான கூற்று குறித்து சிலவற்றை முன் வைக்கலாம் என்று தோன்றுகிறது.

முஸ்லிம்களின் மார்க்கம் பற்றிய புரிதலில் காணப்படும் ஒத்திசைவற்ற தன்மை (Incoherence) குறித்து கவனம் குவிப்பார், எமது ஆசிரியர் ஷெய்க் அல் கஸ்ஸாலி. அதாவது ஒரு விடயத்தில் முன்னுக்குப் பின் முரணாக கோட்பாட்டையும் நடைமுறையையும் கட்டியெழுப்பி இருப்பது.

உதாரணமாக நம்பிக்கை சுதந்திரம் குறித்து முஸ்லிம் அறிஞர்கள் வலியுறுத்தி பேசி இருக்கிறார்கள். இந்த மார்க்கத்தை ஏற்பதில் எந்த நிர்பந்தமும் இல்லை, ஒருவர் புற ரீதியான அழுத்தங்கள் எதுவுமின்றி சுயமாகவே இஸ்லாத்தை ஏற்றுக் கொள்ள வேண்டும் என்பதில் சட்ட வல்லுநர்களிடத்தில் மாற்றுக் கருத்துக்கள் எதுவும் இல்லை. ஆனால் சமவேளையில் இஸ்லாத்தில் இருந்து ஒருவர் வெளியேறினால் அவருக்கு மரண தண்டனை என்றும் அவர்கள் கூறுவார்கள். இது நம்பிக்கை சுதந்திரத்துக்கு எதிரான ஒரு கருத்து என்பது அவர்களுக்கு புரிவது இல்லை. இத்தகைய ஒத்திசைவற்ற புரிதல்களை கேள்விக்குட்படுத்தி அறிவுப் புலத்திலும், பொது மன்றத்திலும் இயங்கியவர், முஹ‌ம்ம‌த் அல் கஸ்ஸாலி. அதே அணுகுமுறை அடிப்படையில் 'சீனா தேசம் சென்றாலும்....' என்கிற அறிவிப்பை நோக்கலாம்.

இந்த அறிவிப்பை உலமாக்களும், மார்க்க உபன்யாசகர்களும், ஆன்மீக பயிற்றுவிப்பாளர்களும், பொது மக்களும் அடிக்கடி பாவித்து வருகிறார்கள். ஆனால் அதே நேரத்தில் முஸ்லிம் சமூகத்தில் மார்க்க கல்வி மற்றும் உலகக் கல்வி என்கிற என்கிற பிரிவினையும் தீவிரமாக உள்ளது. உலகக் × மார்க்கக் கல்வி என்கிற எதிர் முரணை உருவாக்கி உலமாக்கள் உலகக் கல்வியை விட மார்க்கக் கல்வியை சிறந்ததாகவும், ஆன்மிக பரிபூரணம் கொண்டதாகவும் வாதிட்டு வருகிறார்கள். இந்த வகையில் மார்க்கக் கல்வி என்பது இன்றைய காலத்தின் மாபெரும் அதிகார சொல்லாடல் கட்டுமானமாக இருந்து வருகிறது. இந்த சொல்லாடல் கட்டுமானத்தின் செல்வாக்கு காரணமாகவே மத்ரஸாக்களின் அடித்தளம் இவ்வளவு பலம் வாய்ந்ததாக முஸ்லிம் சமூகத்தில் காணப்படுகிறது. இதன் சமூக பரிமாணங்களை ஆராய இப்படியான பதிவுகளின் எல்லை போதாது. ஆனால் நுணுக்கமாக யோசித்துப் பார்த்தால் மேற்போந்த 'சீனா தேசம் சென்றாலும்....' என்கிற ஹதீஸின் கருத்துக்கு முஸ்லிம் சமூகத்தின் இந்த நடைமுறை அடிப்படையிலேயே முரண்படுகிறது.

நபிகளாரின் காலத்தில் சீனா தேசத்தில் எந்த மத்ரஸாவும் இருக்கவில்லை ; இறைதூதர்களும் இருக்கவில்லை. எனில் அங்கே சென்று அறிவு பெறுவது என்பதன் அர்த்தம் என்ன? உண்மையில் அப்படி ஒன்று இருப்பின் அது ஆயத்துல்லாஹ் முதஹ்ஹரி கூறியது போன்று விஞ்ஞானத்தினதும், தொழில் நுட்பத்தினதும், தத்துவத்தினதும் அறிவு தான். ஏனெனில் அது தான் அப்போது சீனா தேசத்தில் இருந்தது. உண்மையில் அல் குர்ஆனிய உலக நாகரீக கண்ணோட்டத்தின் படி அறிவு என்பது பிளவுபடாதது. அனைத்து அறிவுகளினதும் மூலம் பிரபஞ்சத்தின் தலைவனான இறைவனே. இந்த தெளிவு எமது முஸ்லிம் அறிஞர்களுக்கு இருந்ததனால் தான் அவர்கள் கிரேக்க தத்துவத்தையும், பாரசீக மெய்யியலையும், இந்திய கணிதத்தையும் அரபியில் கொண்டு வந்தார்கள். அவற்றை அகவயப்படுத்திக் கொண்டு அல் குர்ஆனிய உலக நாகரீக கண்ணோட்டத்திற்கு முரண்படாமல் வளர்த்து எடுத்தார்கள். அல் குர்ஆன், ஸுன்னாவை போலவே இயற்கையும் இறைவனை காட்டும் மூலங்களில் ஒன்று தான். இதனால் தான் 'அல் குர்ஆன் பேசும் பிரபஞ்சம் ; பிரபஞ்சம் மெளன அல் குர்ஆன்' என்று கூறினார், ஷெய்க் அல் கஸ்ஸாலி. உலகக் கல்வி, மார்க்க கல்வி என்கிற பிரிவினை எமது அறிவு மரபுக்கு அந்நியமான ஒன்று. அது நவீனத்துவத்தை எதிர் கொண்ட பழமைவாதத்தின் தோல்வி உளவியலின் வெளிப்பாடே அன்றி இஸ்லாமிய பண்பாட்டு மரபின் குரலல்ல அது.

பாரியதொரு கலாசார, விஞ்ஞான இயக்கத்தை இஸ்லாம் உலகிற்கு வழங்கியது. பல நூற்றாண்டுகளாக அதுவே கல்வி, அறிவியல், கலாசார, பண்பாட்டு துறைகளில் கொடி கட்டிப் பறந்தது. இப்னு சீனா, அல் பிரூனி, இமாம் கஸ்ஸாலி ஒமர் கைய்யாம் போன்ற மகத்தான இஸ்லாமியக் கற்றறிவாளர்களை அதுவே உருவாக்கியது. ஆனால் இந்த மரபை கொண்டாடும் நாம் சமவேளையில் உலகக் கல்வியை விட மார்க்க கல்வி உயர்ந்தது என்கிறோம்.. இத்தகைய மார்க்கம் குறித்த ஒத்திசைவற்ற புரிதல்களை களைவதே எமது எழுச்சிக்கான அடிப்படை நிபந்தனை என்பதை நாம் புரிந்து கொள்ள வேண்டும்.

இமாம் முஹம்மத் அப்துஹு, ஷெய்க் முஹம்மத் அல் கஸ்ஸாலி போன்றவர்களின் கோட்பாடு சட்டகங்களில் சமூக எழுச்சிக்கான முக்கியமான முறைமை சார்ந்த அணுகுமுறைகள் உள்ளது. அவற்றை நாம் கவனமாக பயில வேண்டும். சிந்தனை என்பது தொடரியக்கம். விமர்சன சிந்தனை தான் அறிவு!

#இங்கிருந்து அறிவோம்

#பாதையை_செப்பனிடல்

#பயகம்பர் நாயகமே

#இது_போன்று இன்னொன்றில்லை

BEING ETHICAL IS THE BIGGEST CRIME.!

Dr.John Aaron Prabhu.

Sr. Asst. Surgeon.

2020-07-03

BEING ETHICAL IS THE BIGGEST CRIME.!

It's my personal message to my colleagues. 

*முன்குறிப்பு*

சாத்தான்குளம் சம்பவத்தில் சான்று வழங்கிய அரசு மருத்துவர் மீதும் நிச்சயமாக தவறுள்ளது.!!  அரசியல் / அதிகார அழுத்தத்தால் மீண்டும் ஒரு மருத்துவர் பலியாகாமல் இருக்கட்டும் என்பதற்காக மட்டுமே இந்த பதிவு.!

*Disclaimer*

எல்லா நிகழ்வுகளுமே என் சொந்த அனுபவத்தின் அடிப்படையிலேயே.

*இனி உங்களுக்காக*

இன்றைக்கு கோவில்பட்டி டாக்டரைத் தண்டிக்கணும், கைது பண்ணனும். கொலைக்கு அவங்களும் உடந்தை.. அவங்களோட மருத்துவ கவுன்சில் உரிமத்தை ரத்து பண்ணியே ஆகணும்னு பேசுறவன்லாம் யார்னா.? இதுல ஏதாவது ஒருத்தனாத்தான் இருப்பான்...

*நிகழ்வு 1*

அவர்:

"என் மருமகள் Air travel பண்ணனும்.

அவளுக்கு Non Pregnant-னு ஒரு Certificate மட்டும் வேணும்.!"

நான்: 

"சரிங்க.! அதெப்படி எனக்கு தெரியும்.?! USG Abdomen பாத்துட்டு சொல்ல முடியும்.! 

இல்லைன்னா இங்க வரச்சொல்லுங்க. 

ஒரு UPTஆவது பாத்துட்டு, அந்த report mention பண்ணித்தான Certificate தர முடியும்.! நான் அவங்கள நேர்லகூட பாக்காம, நீங்க வந்து கேக்குறீங்களே..?!" - னு திரும்பக் கேட்டதுக்கு, முறைச்சிட்டு போறவன். 

*நிகழ்வு 2*

அவர்:

"என் பையன், நம்ம KV-ல படிக்குறான். டெல்லிக்கு Sports meet போறான்.! அதான், SCHOOL-ல DOCTOR-கிட்ட, ச்சும்மா பேருக்கு ஒரு Certificate-தான் கேட்டாங்க.!"

நான்: 

"Sports meetக்கு Physical fitness certificate தான.?! ECG, ECHO , ஒரு Basic blood investigations-கூட எதுவுமே Test பண்ணாம எப்படிங்க அவன் FIT-னு குடுக்க முடியும்.??!!

நாளைக்கு உங்க பிள்ளைக்கு ஏதாவது ஆச்சுன்னா, School management தப்பிச்சுக்கத்தான் இந்த Certificate.!"

டாக்டரை பலிகடா ஆக்குறதுக்குதான் இந்த Certificateனு நான் சொல்லித்தான் உங்களுக்கு புரியணுமா.?! வேற எதுக்குன்னு தெரிஞ்சவன் சொல்லு பாப்போம்.? ஏன்.? Track event-லயே குழந்தை இறந்த செய்தியெல்லாம் தெரியாதா உங்களுக்கு.?!  HOCMல போன மாசம்கூட ஒரு CRRI Sudden death. அதுக்குள்ளயா மறந்துட்டீங்க.?!!

*நிகழ்வு 3*

Corona காலகட்டத்துல, எந்த School-ம் function ஆகக் கூடாதுன்னு அரசாங்கமே ஆணையிட்டுள்ள நிலையில்

அவர்: 

"புள்ளைக்கு School admission-க்கு 

ஒரு Doctor certificate வேணும் மச்சான், வேறொன்னும் இல்லை.!!!"

நான்: 

"தயவுசெஞ்சு தொந்தரவு பண்ணாத, என்னால தர முடியாது.!"

*நிகழ்வு 4@*

"Govt.School Teacherஆ வேலை பாக்குறேன்.!

Alagappa Universityலதான் MA course பண்ணிட்டு இருக்கேன்.!

Exams வருது.!! படிச்சுருவேன்.!

Exam datesக்கு மட்டும் 3 ,3 நாள் மட்டும் நீங்க போன மாசமும் , இந்த மாசமும்

இந்த குறிப்பிட்ட தேதியில மட்டும், 

Medical Leave தந்தா போதும்..!!"

"அப்போ நீங்க ML கேக்குற Datesல தான Exam appear ஆகியிருப்பீங்க..?

உடம்பு சரியில்லை வேலைக்கு போக வேணாம்னு நான் சொல்ல,

அதே நாள்ல நீங்க பரிட்சை எழுதலாமா.?

அது எப்படிங்க முடியும்.??

CL போடுங்க, இல்லைன்னா,

Study Leaveனு apply பண்ணுங்க .!!

நான் தர மாட்டேன்..!!"

நிகழ்வு 5 :

"அக்கா பொண்ணு மாசமாயிருக்கா,

எனக்கு நெறைய Medical Leave இருக்கு,

ஒரு 2 months மட்டும் ML வேணும்.!!"

"Asst Surgeon cadre தான் டீச்சர் நான். Maximum 15 daysக்கு வேணும்னா தரலாம்.! அதுக்கு மேலதான் வேணும்னா, நீங்க வேற யார்ட்டயாவது வாங்கிக்கோங்க.!"

பாடம் சொல்லிக்குடுத்த டீச்சருக்கே ஒரு certificate தரமாட்டுறான் பாருங்க.

நம்மகிட்ட படிச்சவன்.! 

இன்னைக்கு டாக்டர் ஆகிட்டோம்னு அவ்ளோ தலைக்கணத்துல திரியுறான்.!

இத்தனைக்கும் நான் என்னோட பதவிக்கு இவ்ளோதான் முடியும்னு விளக்கமா சொன்னப்பிறகும்.!

நிகழ்வு 6 :

"சென்னைல இருந்து நாத்தனார் நம்ம ஊருக்கு வரணுமாம், 

அங்க E-Pass வாங்குறதுக்கு,

இங்க மாமியார் Critically ill-னு certificate இருந்தா போதுமாம்.! அதான். . .!!"

"தரமாட்டேன்.!" மறுத்ததற்கு.

வீட்டிற்கே வந்து,

"அவன் என்ன பெரிய சு#$*-யா.?

அவன நான் பாத்துக்கிறேன்.!"னு மிரட்டிட்டு போன மாண்புமிகு ஒருவர். . .

நிகழ்வு 7 :

"Abroad வேலைக்கு Apply பண்ணிருக்கேன்.!

அதுக்கு VISA வாங்க,

Covid19 - Negativeனு தா.!

இதுல என்ன ஆகிடப் போகுது உனக்கு.!!"

"அதெப்படி TEST பாக்காம தர முடியும்.?

ICMR Portal entry numberலாம் அந்த reportல பண்ணித்தான் தர முடியும்.!

அதுவும் அரசாங்க வேலைல இருந்துட்டே.!

Test பண்றதுக்கும் அப்படி guidelines எதுவும் இல்லை.!

அப்படி கண்டிப்பா வேணும்னா Private test பாருங்க. Result கொண்டுவாங்க.!

அதை base பண்ணி Certificate தரலாம்.!!"

நிகழ்வு 8 :

"போன வாரம் அண்ணன் வீட்ல கல்யாணம் நடந்துச்சுல.?! 

புள்ளை Matriculation Schoolல படிக்குதுல., அந்த Schoolல ஒரு நாள் Leaveகெல்லாம் உங்ககிட்ட certificate வாங்கிட்டு வரச்சொல்றாங்க. .!"

இதச் சொல்லும்போதே Parentsக்கு மொகத்துல அவ்ளோ சந்தோசம்.! 

இதுல பெருமை மயிருவேற,

புள்ளை படிக்குற School அவ்ளோ Strict-னு.!!!

நிகழ்வு 9 :

"அத்தை 1 மாசம் Medical Leave எடுத்திருந்தாங்கல்ல.?!

நாளைக்கு Join பண்றாங்க. அதான் fitness மட்டும் Sign வாங்கிட்டு வரச்சொன்னாங்க.!!"

"யாரா இருந்தாலும் நேர்ல பாக்காம 

எந்த certificateம் தாரதில்லைன்னு , 

நான் சொன்னேன்னு போய் சொல்லு போ.!"

நிகழ்வு 10 :

"கால்ல அடிபட்டுச்சு நம்ம டிப்போலதான் டிரைவரா இருக்கேன்.! 

போன மாசம் 10ம் தேதியிலிருந்து Leave வேணும் Sir.!!"

"நீங்க தப்பா நெனைச்சாலும் பரவால்லைங்க நான் pre-date போட்டு certificate தாரதில்லைங்க.!!"

இப்படித்தான் ஒரு டாக்டர், 

இவங்க சொல்றத நம்பி 

தெரிஞ்சவங்கதானேன்னு ML குடுத்துட்டு

அந்த driver, அவர் சொன்ன அடுத்தநாள்ல

Govt bus ஒரு பெரிய RTAல ஒருத்தன் சாகவும், தான் suspend ஆகாம தப்பிக்க, 

முன்தேதியிட்டு Medical certificateம் வாங்கி,

அந்த குறிப்பிட்ட நாளில் தான் duty-க்கே வரலைன்னு,

Enquiry committeeகிட்ட இந்த medical certificate produce பண்ணிட்டான்.

இப்போ, இதுநாள்வரை அந்த Doctorம் 

இந்த Driverஓட சேர்ந்து courtக்கு அலைஞ்சிட்டு இருக்க கதை தெரியுமா.??!

நிகழ்வு 11 :

"Old age pensionக்கு கையெழுத்து போட்டுத்தான ஆகணும்.!"

"Adhaar / voter ID-படி 48தான ஆகுது.?!"

"ஆமா, 48 வயச 58னு போட்டுக் குடுத்தா.

OAP வாங்கலாம். பாவப்பட்ட குடும்பம். பாத்து பண்ணுங்க.!!"

"முடியாது.! காசு வாங்கிட்டு காட்டுற இடத்துல கையெழுத்துப்போடுற எவன்கிட்டயாவது வாங்கிக்க. கிளம்பு.!!"

நிகழ்வு 12 :

சாயங்காலம் 4:30க்கு தூங்கிட்டு இருந்தவனை எழுப்பி,

"நாளைக்கு பவர் பத்திரம் பதியணும். 

அதான் Life certificate வாங்க வந்தேன்.!"

"நான் என்ன நீங்க தூக்கிட்டு சுத்துற Rubber stamp-னு நெனச்சீங்களா.?!

இது என்ன தலைபோற Emergencyயா.?!

நாளைக்கு Hospitalலதான் இருப்பேன் Duty timeல அங்க வந்து வாங்குங்க.!

வீடு, என்னோட Personal space ,

இங்க எவன் வரச்சொன்னது.?!"

நிகழ்வு 13 :

"இதே மாதிரி கடைசி நேரத்துல 

இன்னைக்கு 5 மணிக்குள்ள application அனுப்பனும். Attestation வேணும்னு.!"

"Originals எங்க.? எடுத்துட்டு வா.! இங்கதான் இருப்பேன் verify 

பண்ணிட்டு போட்டுத்தாரேன்.!

நிகழ்வு 14 :

காவலர்களிடம் மேலும் கவனமாக இருங்கள்.

என்னிடம் கால்மணி நேரத்திற்குமுன் மருத்துவ விடுப்பிற்கு சான்று வாங்கிச்சென்ற காவலர்,

மறுபடியும் தேடிவந்து

நேராக உள்ளே வந்து 

என் காலில் விழுந்து

என் காலைப்பிடித்து,

"சார், என்னோட எதிர்காலமே உங்க கைலதான் சார் இருக்கு.! 

தெரியாம பண்ணிட்டேன் சார்.!! 

என்னைய மன்னிச்சுடுங்க சார்.!!!"னு அழுகிறார். . .

எனக்கு என்ன நடந்ததென்றே புரியவில்லை.!

ஏனெனில், 

அவர்கள் நிலைய பொறுப்பு காவலரிடம் 

"பரிந்துரை" (Leave Pass) வாங்கி வந்தால் மட்டுமே,

விடுப்பு வழங்குவது வழக்கம்.!

அந்த S.I.-க்கு தெரியும் நான் 15 நாட்களுக்கு மேல்

அவருக்கே தரமாட்டேன் என்பது.!

புதிதாக வந்த இந்த Battalion-க்கு அது தெரியாது.!

நான் "8 நாட்கள்" என எழுதி தந்ததற்குமுன்

ஒரு 1-ஐ மட்டும் சேர்த்து "18 நாட்கள்" நான் வழங்கியதாக கொடுத்திருக்கிறார்.

"நீ, போய் டாக்டரிடம் வாங்கி வா"என என்னிடமே அனுப்ப,

வந்து என் காலில் விழுகிறார்.!!

நான் "இதுலயே இந்த திருட்டுத்தனம் பண்ற உனக்கெல்லாம் எதுக்கு போலிஸ் வேலை.?!"என வச்சு வாங்க,

குடும்பம், குழந்தைகள், எதிர்காலம் என காலை விடாமல் அழ.. ..

"நீயே உன் S.I.க்கு Call பண்ணி என் முன்னாடி நடந்ததைச் சொல்லு.!

நான் அப்புறம் அவர்கிட்ட பேசுறேன்"என

"சார் , நீங்க குடுத்துறுக்க மாட்டீங்கன்னு எனக்குத் தெரியும்.! அவன் 'இல்லை, டாக்டர்தான் 18 நாளுக்கு தந்தார்'னு என்கிட்டையே பொய் சொல்றான் , சார்.

அதான் உங்ககிட்டையே அனுப்பி வச்சேன்.! நீங்க என்ன சொன்னாலும்

அப்படியே பண்றேன், சார்..!!"

"இந்த தடவை மன்னிச்சு விடுங்க சார்.

இனி இப்படி தப்பு பண்ண மாட்டார்னு நம்புவோம்.!

நீங்க என்ன பண்ணனுமோ பண்ணுங்க.!"னு அனுப்பி வச்சேன்.!!

அன்றிலிருந்து 8 days எனில் (EIGHT DAYS ONLY)என அருகிலேயே எழுதவும் ஆரம்பித்தேன்.!!

நிகழ்வு 15 :

"சார், நம்ம Inspectorக்கு accident ஆச்சுல,

அவர் Admissionலதான் இருக்கார்.

உங்ககிட்ட 15 days extension வாங்கிக்கச் சொன்னார்.!!"

"இல்ல சார்.! அவர் எங்க Admissionல இருக்காங்களோ,

அவங்கள்ட்டயே Certificate வாங்கி குடுக்க சொல்லுங்க.!

நான் Individualஅ பாக்காம எந்த Certificateம் தாரதில்லை.!

எனக்கின்னு சில Principles வச்சு இருக்கேன்.!

நீங்க தப்பா நினைச்சாலும் பரவாயில்லை.!!

நான் அதையெல்லாம் மீறுறதில்லை.!!"

"நான் சொன்னேன் சார்.! அவர்தான் உங்ககிட்ட ஒருதடவை கேட்டுப்பாக்கச் சொன்னார்!!"

"சரி சார்.! நான் சொன்னத அவர்கிட்ட சொல்லிடுங்க. சந்தோசம்.!!"னு 

வணக்கம் வைச்சு அனுப்பிடுவேன்.!!!

மற்றும் பல நிகழ்வுகள் உண்டு.

இதுபோன்ற நிகழ்வுகளை நீங்களும் கடந்திருக்கலாம். . .

அவங்கள பொருத்தவரை

"அவங்களோட தேவை"க்கு இதெல்லாமே 

ஒரு சாதாரண கையெழுத்து.!

ஆனா, 

எனக்கு இந்த ஒற்றைக் கையெழுத்துதானே எல்லாமே.! 

என்னோட அடையாளம் அதுதான்.!!

நான் இதுவரை பட்ட கஷ்டத்துக்கு, படிச்ச படிப்புக்கு நானே கொடுக்கிற மரியாதை.!

பாக்குற வேலைக்கு நான் செய்யுற நீதி.!!

எனக்கு இதுதான் #ETHICS.!!

இதை எவனுக்காகவும் மீற மாட்டேன்.!!

நீங்க நிறைய பேர்

நீங்க யார்னே தெரியாத வெளியூர்ல வேலைபாக்குறவங்கதான.?!!

நான் MBBS முடிச்சதுல இருந்து

சொந்த ஊர்லதான் இருக்கேன்.!!!

10 வருசமா Govt Service-ல இருக்கேன்.!!

எத்தனை பேர் முறைச்சிட்டு திட்டிட்டு மிரட்டிட்டு போயிருப்பான்.!

வெகு சிலரே நீங்க சொல்றது சரிதான்னு புரிஞ்சுப்பான்.!!!

நான் Genuine groundsக்கு குடுத்த 

1000 Certificatesஐ பத்தி எவனும் அடுத்தவன்ட்டகூட சொல்லியிருக்கப் போறதில்லை.!!

ஆனா,

தரமாட்டேன் சொன்னத, 

என்ன காரணத்தால தரமறுத்தேன்னு மறைச்சு ஊரெல்லாம் பேரைக் கெடுத்துருவானுக.!!

எத்தனை பேர் இப்படி திரிஞ்சாலும்,

எனக்கு அதப்பத்தி கவலையே இல்லை.

ஏன்னா.? 

இப்படிப்பட்டவங்களோட 

"conduct certificate" என்னோட கூந்தலுக்குச் சமம்.??

எவனுக்கு இது திமிரா தெரிஞ்சாலும்

அதைப்பத்தி கவலையே எனக்கில்லை.!!!

ஏன்னா.? 

நான் எனக்கான நியாயப்படித்தான் நடந்துட்டு இருக்கேன்.!

அது போதாதா.?!!

நீங்க Gazetted Officer,

ஒருதடவை நீங்க Sign பண்ணிட்டா ,

அது Legal Document.!

You have every right to deny / refuse to give any Certificate.

If u really think it's unethical.!

Legal Consequence face பண்ண

Legal / Political / Financial backup-ம்

கொழுப்பும் இருந்தா 

50-100 வாங்கிட்டு certificate குடு.!

எவனும் தடுக்கப் போறதில்ல.!

எனக்கு அப்படி 50க்கும் 100க்கும்

என் கையெழுத்தை விக்குறதுல உடன்பாடே கிடையாது.!!

இப்படி Unethicalஆ நடந்து 

100 case பாத்து சம்பாதிக்கிறதவிட,

Ethicalஆ இருந்து 5 case பாத்தாலே

சந்தோசம்தான்.!!!

தொடர்ந்து நட்புப் பட்டியலில் இருப்போருக்கு தெரியும்,

"BEING ETHICAL IS A  BIGGEST CRIME.!"னு அப்பப்போ

Facebook Post பண்ணிருப்பேன்.!

அன்றைக்கெல்லாம் இதே மாதிரியான ஒரு சம்பவத்தைக் கடந்திருப்பேன்.!!

மருத்துவர்களாகிய நீங்கள் சட்டத்திற்கு உட்பட்டவர்கள்

அரசு மருத்துவர்கள் அரசாங்க அதிகாரி என்பதையும் நினைவில் கொள்ளுங்கள்.!!

மருத்துவம் பார்ப்பதில் மட்டுமல்ல,

சான்றிதழ் வழங்குவதிலும் 

கூடுதல் கவனமாக இருங்கள்.!!!

வளைந்து குடுக்காமல் இருப்பது

அவ்வளவு சுலபமல்ல.!!

ஆனால்,

கண்டிப்பாக இருக்க முடியும்..!!! 

It's not that Easy to be Ethical.!

But BE ETHICAL.!!! 

நன்றி.!!! 

என்றும் அன்புடன்,

Dr.John Aaron Prabhu.

Sr. Asst. Surgeon.

எம்.ஜி.ஆர் - ரின் மனைவிகளும், கீப்புகளும்

Priya Perumal

2020-06-19

**எம்.ஜி.ஆர் - ரின் மனைவிகளும், கீப்புகளும்**

எம்ஜிஆர் மற்றும் கலைஞர் மூன்று திருமணங்கள் செய்தவர்கள் தான். 

ஆனால், கலைஞரின் திருமணங்கள் மட்டுமே விமர்சிக்கப்படுகின்றன, ஏன்?

முழுமுதற்காரணம்... 

கலைஞரைப்போல அவருக்கு வாரிசுகள் இல்லை. மேலும் சமூக வலைத்தளங்கள் வளர்ச்சிக்கு முன்பே சிக்கி சின்னாபின்னமாகமல் மறைந்து விட்டார்.  

முக்கியாமானது... 

கலைஞரை பார்ப்பனுக்கு பிடிக்காது. இன்றுவரை பெரும்பான்மையான ஊடகம் பார்ப்பன்னர்கள் மற்றும் பார்பன அடிவருடிகளிடம் இருக்கிறது. 

கலைஞர் இறந்த பின்னும் அரசியலில் அவரை நிலை நிறுத்த ஸ்டாலின் கனிமொழி மற்றும் அழகிரி (பாவம் சேர்த்து கொள்வோம்) இருக்கிறார்கள்.

கலைஞருக்கு தளபதி மு க ஸ்டாலின் போல எம் ஜி ஆருடைய வாரிசு இப்போது இருந்தால் நிலைமை வேறுவிதமாக இருக்கும்.

சரி விடுங்கள் விஷயத்திற்கு வருவோம்!!!

எம் ஜி ஆருக்கு சட்டப்படி மூன்று மனைவிகள் இருந்தனர்...

*முதல் திருமணம்*

எம்.ஜி.ஆர் முதலில் தங்கமணியை மணந்தார். பிரசவத்திற்காகத் தாய் ஊருக்குச் சென்ற தங்கமணிக்கு குழந்தை இறந்தே பிறந்தது. அதன் பின் தங்கமணியும் உடல்நலக் குறைவினால் இறந்தார்.

*இரண்டாவது திருமணம்*

அதன் பிறகு சதானந்தவதியை மணந்தார் எம்.ஜி.ஆர். இருவருக்கும் குழந்தைகள் இல்லை. பின்னர் சதானந்தவதி நோய்க் காரணமாக இறந்தாக கருதப்பட்டார் அல்லது தள்ளி வைக்கப் பட்டார். 

*மூன்றாவது திருமணம்*

1948 மோகினி திரைப்படத்தில் எம்ஜிஆரும் வி. என். ஜானகியும் தோன்றும் காட்சி

எம்.ஜி.ஆர் இரண்டாவது கதாநாயகனாகத் தியாகராஜ பாகவதர் தயாரித்த ராஜ முக்தி படத்தில் நடித்தார். அப்படத்தில் வைக்கம் நாராயணி ஜானகி என்னும் வி. என். ஜானகி கதாநாயகியாக நடித்தார். 

அவர் எம்.ஜி.ஆரின் முதல் மனைவியான தங்கமணி சாயலில் இருந்தார். இதனால் ஜானகியின் மீது எம்.ஜி.ஆருக்கு ஈர்ப்பு ஏற்பட்டது.  (😂😂😂)

அவ்வீர்ப்பு மோகினி படத்தில் சேர்ந்து நடித்தபொழுது இருவரும் நெருங்கிப் பழகினர். 1950 ஆம் ஆண்டில் மருதநாட்டு இளவரசி படத்தில் கதைத் தலைவனாக எம்.ஜி.ஆரும் கதைத்தலைவியாக ஜானகியும் நடிக்கும்பொழுது காதலாக மாறியது.

அக்காலகட்டத்தில் எம்.ஜி.ஆரால் ஜானகிக்கு எழுதப்பட்ட காதல் கடிதங்கள் ஜானகியின் முதற்கணவரான கணபதி பட் கைகளில் கிடைத்தன.

கணபதி பட்டிற்கும் ஜானகிக்கும் இடையில் சண்டை முற்றியது. ஜானகி நள்ளிரவொன்றில் தன் மகனுடன் தனது வீட்டைவிட்டு வெளியேறி, அப்பொழுது லாயிட்ஸ் சாலையில் (தற்பொழுது அவ்வை சண்முகம் சாலை) குடியிருந்த எம்.ஜி.ஆரின் வீட்டிற்கு அடைக்கலம் தேடிவந்தார்.

எம்.ஜி.ஆர் அவரைத் தனது வீட்டிற்கு எதிரே இருக்கும் தெருவில் ஒரு வீட்டில் குடிவைத்தார்.

கேரளாவில் ஒரு கோவிலில் சில நண்பர்கள் முன்னிலையில் எம்.ஜி.ஆரும் ஜானகியும் மாலை மாற்றிக் கொண்டனர். ஜானகிக்கு மகனான அப்பு என்ற சுரேந்திரனை எம்.ஜி.ஆர் தன் வளர்ப்பு மகனாக ஏற்றுக்கொண்டார்.

இத்திருமணத்தை எம்.ஜி.ஆரின் அண்ணனும் நடிகருமான எம்.ஜி. சக்ரபாணியும், குடும்ப நண்பரும் நடிகருமான சி. டி. இராஜகாந்தமும் ஏற்க மறுத்தனர்.

எனினும் எம்.ஜி.ஆரின் இரண்டாம் மனைவி சதானந்தவதி உயிரோடு இருந்ததால் தம் திருமணத்தைப் பதிவுசெய்து கொள்ளாமலேயே எம்.ஜி.ஆரும் ஜானகியும் உடனுறைந்தனர் (Lived Together).

12 ஆண்டுகள் கழித்து 1962 பிப்ரவரி 25 ஆம் நாள் சதானந்தவதி மறைந்த பின்னர் சூன் 14ஆம் நாள் எம்.ஜி.ஆரும் ஜானகியும் சட்டப்படி தம் திருமணத்தைப் பதிவு செய்துகொண்டனர். இருவரும் லாயிட்சு சாலை வீட்டிலிருந்து வெளியேறி இராமாவரம் தோட்டத்திற்குச் சென்று குடியேறினர்.

மற்றபடி எம் ஜி ஆருக்கும் நடிகைகளான ஜெயலலிதா, மஞ்சுளா, லதாவிற்கும் எந்த தொடர்பும் இல்லை.

கூத்தாடி - M. R. Radha

படித்தது/பகிர்ந்தது

கமலஹாசன் உஞ்சவிருத்தி பற்றி உளறியதை பார்த்ததும் நடிகர்கள் என்பவர்களை பற்றி அன்று M.R. ராதா சொல்லியது நினைவுக்கு வருகிறது

."என்னடா நடிகன், கலைஞன்னு நமக்கு பெயரு? ஆளாளுக்கு ஒரு பெயர் வச்சிக்கிறானுக‌. ஆனா அன்னைக்கு ஜனங்க வச்ச பேரு என்ன தெரியுமா? கூத்தாடி!!

 ஜனங்கஒழுங்கா உழைக்க போவான். காடு, கரை, வயல்னு உழைப்பான். கூத்தாடி பயலுக என்ன செய்வான் தெரியுமா? வீடு வீடா பிச்சை வாங்க போவான். ஆத்தா கூத்தாடி வந்திருக்கோம், அரிசி கம்பு இருந்தா போடுங்க தாயின்னு பிச்சை எடுப்பான். அது தான் அவனுக்கு சாப்பாடு. ராத்திரி உழைச்ச மக்கள் எல்லாம் வீடு திரும்பி

சாப்பிட்டு விட்டு கொஞ்ச நேரம் கூத்து பார்க்க வருவான், அப்போதான் கூத்தாடி வேலையே ஆரம்பிக்கும்! உழைச்ச மக்களுக்கு கொஞ்சம் உற்சாகம் கொடுக்குற கூத்தாடி பரம்பரை தான் நாங்கெல்லாம். அதனால அந்த கூத்தாடி பசங்கள பெருசா நினைச்சி அவனுகள மதிச்சி நாட்டை கொடுக்காதீங்க. நாசமாக்கிருவானுக!

அவனுகளுக்கு கூத்த தவிர ஒண்ணும் தெரியாது! ஒழுங்கா படிப்போ வேலையோ தொழிலோ இருந்தால் அவன் ஏன் கூத்தாட வாரான்?

 ஒண்ணுக்கும் லாயக்கு இல்லாத பய தான் அங்க வருவான். அடி மட்ட வரிசை அது. அவனை விட கீழான மடையன் ஒரு பயலுமில்ல, தெரிஞ்சிக்க!

அன்னைக்கு நாங்க வீடு வீடா போனோம். அரிசி கம்புகேழ்வரகுன்னு கொடுத்தாங்க. பசியாறினோம்! 

இன்னைக்கு விஞ்ஞானம் உங்கள எங்கள் கொட்டாயி தேடி வந்து காசு கொடுக்க சொல்லுது அவ்வளவு தான்.

 மற்றபடி நாங்க அன்னைக்கும் கூத்தாடி, இன்னைக்கும் கூத்தாடி, என்னைக்கும் கூத்தாடி

இது புரியாம நடிகன் மன்றம், தலைவன், மயிருன்னு கிளம்பாத! 

அசிங்கம் அவமானம்!

கூத்துக்கு அரிசி சோளம் கொடுத்த மாதிரி காசு எறிஞ்சுட்டு போயிட்டே இரு.

 தலைவன அங்க தேடாத! 

அது முட்டாள்தனம். 

அவன ஒரு ஆளுண்ணே நினைக்காத.

காசு கொடுத்தா எப்படி வேணும்னாலும் நடிப்பான் அயோக்கிய பயலுங்க!!” 😃 😃

திராவிடத்தால் குடித்தோம் ஒறவுகளே - உண்மை என்ன?

பெரியாரின் பேரன் நான்

2020-06-15

"திராவிடத்தால் குடித்தோம் ஒறவுகளே" என்று Mark Anthony என்ற "தம்பி" எனக்கு பட்டியலின மக்களின் பதிவில்  பதில் சொல்லியிருந்தார்...

என்னவோ, மது என்பதை திராவிட இயக்கங்கள் தான் தமிழனுக்கு அறிமுகப் படுத்தியது போன்ற தோற்றத்தை அவர் நிரூபிக்க முயன்றார்.....

1500 ஆண்டுகளுக்கு முன்னரே ,  ‘அர்த்த சாஸ்திரம்’  எழுதிய  கவுடில்யன் என்ற ஆ(சி)ரியன் தனது நூலில் "மக்களை எப்படி குடிக்கு அடிமையாக்குவது" தெளிவாக எழுதியுள்ளான்.

தனது  நூலில்  , எப்படி மக்களை குடிக்கு அடிமையாக்குவது, டாஸ்மாக் இல்லாமலேயே எப்படி பணத்தை கல்லாக் கட்டுவது என்பது குறித்து விரிவாகவே பதிவு செய்திருக்கிறான்.

மதுபானங்களை வடித்தெடுத்து அதனை நாடெங்கிலும் வணிகம் செய்யும் உரிமை அரசுக்கு மட்டுமே உண்டு எனவும், 

மது வணிகத்தை அரசுடைமையாக்க வேண்டுமெனவும்,அரசுக்குத் தெரியாமல் மது காய்ச்சி விற்பவர்களை கண்டறிந்து அவர்களுக்கு தண்டனை வழங்க வேண்டும் எனவும் எழுதியுள்ளான். 

முக்கியமான பகுதி தம்பிகள் கவனமாக பின்வரவும்......

பிற்கால சோழர்களின் காலத்தில்

(அதாவது 

சீமான் தலைமேல்  தூக்கி  வைத்து, காசு,பணம் ,துட்டு,money க்காக கொண்டாடும் அதே சோழப் பேரரசன் தான்)

அவன் ஆட்சிக் காலத்தில் "குடி" கொடி கட்டிப் பறந்ததாகவும் 

"குடி மக்களுக்காகவே"

வசூலிக்கப்பட்ட வரி  ‘ஈழப் பூச்சி வரி’, 

என்று நான் சொல்லவில்லை...

சோழர்களின் ஆட்சி முறை சொல்கிறது.

சோழர்கள் காலத்தில் திராவிடமா ஆட்சிப் பொறுப்பில் இருந்தது ?

ஆங்கிலேயர் ஆட்சியில் ‘அப்காரி’ (Abhari Excise System) சட்டம் 1790-ல் நடைமுறைக்கு வந்தது. இச்சட்டத்தின்படி, மதுவகைகளை தயாரித்தல், விற்பனை செய்தல் என்பதற்கான உரிமைகளை அதிகத் தொகை செலுத்துபவர்களுக்கு வழங்கினர். 

இதனை தொடர்ந்து 1799-ல் ஆங்கிலேய அதிகாரிகள் அனுப்பிய அறிக்கையில், 

தஞ்சை மாவட்டம் முழுவதிலும் 

1793 – 94-ஆம் ஆண்டுகளில் வசூலிக்கப்பட்ட ‘கள் வரி’யின் மதிப்பு 700 சக்தமாக்கள் 

(அதாவது ரூ.1088) 

என குறிப்பிட்டுள்ளனர். (ஆதாரம்: தஞ்சை மாவட்ட கெசட்). 

1900 களில் திராவிடமா தமிழகத்தை ஆண்டது ?

சரி,.........

தமிழ் வாழ்க !

நானே ஒரிஜினல் அக் மார்க்  தமிழ்ப்பிள்ளை !

என தனக்குத் தானே

Genealogical DNA test எடுத்து 

தமிழ்நாட்டில் தற்போது உள்ள தலைவர்களில் "வந்தேறிகள் " போக மீதமுள்ள ஒரே ஒரு தமிழன் நான் மட்டுமே என்று 

"கமுக்கூட்டில்  கட்டி வந்தவன் போல கையைத் தூக்கி நிற்கும் சீமானே" !

உங்களது பாட்டன்களில் ஒருவனான வள்ளுவன், 2000 ஆண்டுகளுக்கு முன்பே , கள்ளுண்ணாமை என்ற அதிகாரத்தில் பத்து குறள்களை எழுதுகிறார்...

கள் குடிப்பது தமிழரிடம் பரவியிருந்தது, என்பதற்கு அந்த பத்து குறள்கள் ஆதாரமில்லையா ?

அதனால்தான் வள்ளுவர் "மது தீமையானது என மக்களுக்கு அறிவுரை கூறி, கள் குடிக்க மக்களை அனுமதிக்காதே என்று அரசனுக்குக் கட்டளையிட்டார்.....

ஆனால் பார்ப்பன ஆரியக் கூட்டம் , என்ன சொன்னது.....

"அரசன் சாராயம் காய்ச்சவும், சாராயம் விற்கவும் மக்களை அனுமதிக்க வேண்டும். அவற் றைச் செய்கிறவர்களுக்கு வரிவிதிக்க வேண்டும் என்று அர்த்தசாத்திரம் மூலம் கட்டளையிட்டது. அன்றைய "சீமானின் தம்பிகளாக" இருந்த அரசர்கள் - அதை அப்படியே செய்தனர்.

இப்படி வள்ளுவர்....குடிக்காதே தம்பி குடிக்காதே !

என்று தமிழனைப் பார்த்து தொண்டைத் தண்ணி வத்த கூவிய போது திராவிடமா ஆட்சியில் இருந்து ஊத்திக் கொடுத்தது ?

உங்களது "முப்பாட்டிகளில்" ஒருத்தியான ஔவையார் அதியமானைப் பற்றி எப்படி புகழ்ந்து பாடுகிறார் என்று கேளும்...

"சிறிய கட் பெறினே எமக்கீயும் மன்னே

பெரியகடட் பெறினே யாம் பாடத் தான்மகிழ்ந்து உண்ணும் மன்னே"

என புறநானூற்றில் 235 வது பாடலில் புகழ்கிறார்.

பொருள் புரியுதா ?

சிறிதளவு கள் கிடைக்குமானால் அதனை முழுமையாக எனக்கு உண்ணக் கொடுத்துவிடுவான். அது தீர்ந்துபோன பின்னர் 

பெருமளவு கள் கிடைக்குமாயின் வேண்டிய அளவு எனக்குக் கொடுத்து நான் உண்டு பாடக் கேட்டுக்கொண்டே அவனும் பருகுவான். 

கேட்கவே புல்லரிக்குது !

ஔவையார் காலத்து அரசு திராவிட அரசா, அதிபரே ?

அடுத்து அதே ஔவையார் மூவேந்தர்கள் பற்றிப் பாடும் பாடல்...

பூவும் பொன்னும் புனல் படச் சொரிந்து,         

பாசிழை மகளிர் பொலங் கலத்து ஏந்திய

நார் அரி தேறல் மாந்தி, மகிழ் சிறந்து,

இரவலர்க்கு அருங் கலம் அருகாது வீசி,

சேரமான் மாரிவெண்கோவும், 

பாண்டியன்கானப்பேர் தந்த உக்கிரப் பெருவழுதியும்,

சோழன் இராசசூயம் வேட்ட பெருநற்கிள்ளியும்,

ஒன்னா இருந்து சரக்கடித்தது பற்றி பாடியது.

இன்னொரு தமிழ் மன்னன்,

ஆவூர் மூலங்கிழார்,இவர் 

மல்லி கிழான் காரியாதியைக் காணச் சென்றார். மல்லி கிழான் தந்த கள்ளை, அவ்வூரில் பல அரண்களிலிருந்து ஆடவர் பலரும் குடித்து, களா, துடரி போன்ற பழங்களை உண்பதையும், பின்னர் காட்டாற்று மணற்குன்றின் மீது ஏறி நின்று நாவல் பழங்களைக் கொய்து தின்பதையும், பன்றிக் கறி உண்பதையும் பற்றி பாடியுள்ளார்.

புறநானுறு 177 வது பாடல்.

பரிபாடலில் ஒரு பாடல்....

 

"விரும்பிய ஈரணி மெய் ஈரம் தீர

கரும்பு ஆர்க்கும் சூர் நறா ஏந்தினாள் கண் நெய்தல் 

பேர் மகிழ் செய்யும் பெரு நறாப் பேணியவே

கூர் நறா ஆர்ந்தவள் கண்"

அதாவது உடலை மூடியிருக்கும் நனைந்த ஆடையை சூடாக்கும் பொருட்டு அவள் கள்ளை மாந்தினாள் that means  சரக்கை  Full ஆ ஏத்திக்  கொண்டாள், அதனால் அவளது நெய்தல் மலர் போன்ற கண்கள் சிவந்தன.... 

ஒரு மகிழ்வுந்தில் அண்ணன் பேட்டி தரும் போது கண்கள் சிவக்க "ஒளறினாரே" அது போல...

இப்படி பதிற்றுப்பத்து, பரிபாடல், குறுந்தொகை என தமிழ் இலக்கியத்தில்

 33 % இட ஒதுக்கீட்டையும் 

தாண்டி பெண்களும் மது மாந்திய போது ஆட்சியில் இருந்தது திராவிட அரசல்ல என்பதை

சீமானின் ஒறவுகள் "நுட்பமாக புரிந்து கொள்ள வேணும்"

இதுக்கெல்லாம் வரலாற்று ஆதாரம் இருக்கா? என்று கேட்டு "நெத்திக்கண்ணை தொறந்துகிட்டு" ஒரு நக்குற குரூப்....sorry "நக்கீர குரூப்" கெளம்பி வரும், அவர்களுக்காக...

யவனர் நன் கலம் தந்த தண் கமழ் தேறல்

பொன் செய் புனை கலத்து ஏந்தி, நாளும்

ஒண் தொடி மகளிர் மடுப்ப, மகிழ் சிறந்து,                              

ஆங்கு இனிது ஒழுகுமதி! ஓங்கு வாள் மாற!

 

என்ற புலவர் நக்கீரரின் பாடல் இன்றும் வரலாற்று ஆய்வாளர்கள் கையாளும் பாடலாக உள்ளது.

சீமாண்டியார் தும்பிகளே !

இருக்கீங்களா ?........

இப்படி சங்கிகளும், பாப்பார வேதங்களும் தூக்கிச் சுமக்கும் கடவுளர்கள் குடித்து "ரிப்பன் கட் பண்ணி" தொடங்கி வைத்ததை, வேத காலம் மக்களும், சங்க கால "தமிழ்ப் பிள்ளைகளும்"தொடர,

ஓகோன்னு குடிச்சு கும்மாளம் போட்டுட்டு இங்க வந்து "திராவிடத்தால் தான் குடித்தோம்னு கொம்பு சுத்துறீங்களே "!

வெக்கமாயில்ல !

சரி... சமகால அரசியலுக்கு வருவோம்.....

பெரியார் தான் இந்தியாவிலேயே முதன்முதலாக 1921 நவம்பரில் ஈரோட்டில் கள்ளுக்கடை மறியலை ,தம் மனைவி, தங்கை, உறவினர், நண்பர் களைக் கொண்டு நடத்தினார்.

15.11.1921இல் தண்டனை பெற்றார். அது இந்தியா முழுவதிலும் எதிரொளித்தது. சேலத்தில் தனக்குச் சொந்தமாக இருந்த தென்னை மரங்களிலிருந்து கள் இறக்குவதை முதலில் நிறுத்தினார். பிறகு தென்னை மரங்களையே வெட்டி னார். அப்போது  பெரியார் 

"திராவிட இயக்கத்தில்" இல்லீங்கோ !முதல்நிலை காங்கிரசுக்காரர், அப்படி காங்கிரஸில் இருந்தாலும் "எண்ணத்திலும் செயலிலும் தீவிர திராவிட அரக்கனுங்கோ"........

"கொழுந்துவிட்டு எரியும் நெருப்பு வளையத்துக்குள் கொளுத்தப்படாத கற்பூரமாகத் தமிழ்நாடு

எத்தனை நாளைக்குத்தான் தன்னைப் பாதுகாத்துக்கொள்ள முடியும்?"....

'எனவே மதுவிலக்கை ரத்து செய்கிறேன்" என்று தமிழ்நாடு சட்டமன்றத்தில் அன்றைய முதலமைச்சர் கலைஞர் விளக்கமளித்தார்.

இப்படியொரு விளக்கத்தை ஏன் தரவேண்டும் ?

ஆமா,ஆமா....தமிழ்நாட்டுல மதுவைக் கொண்டு வந்தது கருணாநிதிதானே !

ரொம்ப சந்தோசப்பட வேணாம்....

1971-ம் ஆண்டில் மதுவிலக்கு ரத்து செய்யபட்டதற்கு 10 ஆண்டுகளுக்கு முன்னதாகவே குடி, திருட்டுத்தனமாகப் பெருகிவிட்டது. 

தமிழ்நாட்டில் லட்சக்கணக்கில் , கள்ளச்சாராயம் காய்ச்சி, சிக்கிய  "தம்பிகள்" விவரம்.......

1961 - 1,12,889 பேர்

1962 - 1,29,977 பேர்

1963 - 1,23,006 பேர்

1964 - 1,37,714 பேர்

1965 - 1,65,052 பேர்

1966 - 1,89,548 பேர்

1967 - 1,90,713 பேர்

1968 - 2,53,607 பேர்

1969 - 3,06,555 பேர்

1970 - 3,72,472 பேர்

இப்படி ஒரு கணக்கை அன்று வெளியிட்டவர் யார் தெரியுமா ?

MGR.!

'ஆனந்த விகடனில்’ அவர் எழுதி வந்த 'நான் ஏன் பிறந்தேன்?’ தொடரில்தான் இந்த ஆதாரங்களை அள்ளி வீசினார்...

ஏம்பா,  1960 - 1070 திராவிட ஆட்சியா ? 

குடி இருந்தது; குடிகாரர்களும் இருந்தார்கள். கள்ளச் சாராயமாக இருந்ததை நல்ல சாராயமாக மாற்றி, அதில் இருந்தும் அரசுக்கு நிதி திரட்டலாம் என்ற பாதையைக் கண்டுபிடித்த பாவச் செயலை கலைஞர் செய்தார் என்று வேண்டுமானால் சொல்லலாம்......

தொடங்கிய அவரே அதை முடித்தும் வைத்தார்.

மதுவிலக்கை அமல்படுத்தும் மாநிலங்களுக்கு நிதி இழப்பீடு வழங்குவோம்’ என அன்றைய பிரதமர் இந்திரா காந்தி அறிவித்திருந்தார்.

'தமிழ்நாட்டுக்கு நிதி உதவி செய்யுங்கள்’ என கலைஞர் கேட்டார். 'இது மதுவிலக்கைப் புதிதாக அமுல்படுத்தும் மாநிலங்களுக்குத்தான் தரப்படும்’ என "அந்தர் பல்டி"  அடித்தார் இந்திரா !

"காங்கிரஸை" வீழ்த்திவிட்டு பதவிக்கு வந்த அந்த "தன்மான அரக்கன்" கலைஞருக்கு, நிதி கொடுக்க மறுக்கும் தந்திரமாக அந்தக் காரணத்தை இந்திரா கண்டுபிடித்தார். 

கடுமையான நிதி நெருக்கடியில் தமிழக அரசு தள்ளாடிய போது .... வேறு வழி தெரியாமல் தவித்தபோது....

ராஜாஜி கலைஞரிடம்......"மதுவிலக்கை 1937-ம் ஆண்டில் நான் அமல்படுத்தியபோது, நிதி நெருக்கடியைச் சமாளிக்கவே விற்பனை வரியை அமல்படுத்தினேன். அப்படி புது வழி இருக்கிறதா எனப் பாருங்கள்’ என்றார்.

அதற்கு கலைஞரோ "ஒட்டுமொத்த மக்களையும் பாதிக்கவிடுவதை விட, மதுவிலக்கை ரத்து செய்வது மேல், நிதிநிலை சீரானதும் மீண்டும் அமுல்படுத்துவோம்"..........

எனக்கூறி 30.8.1971 ல் மதுவிலக்கை ரத்து செய்தார்....

சொன்னபடியே 

1973ல் கள்ளுக்கடைகளையும், 1974ல் சாராயக்கடைகளும் மூடி...

1975 முதல் தமிழ்நாட்டில் மதுவிலக்கை கலைஞர் அமுல்படுத்தினார்.

அதன் பிறகு MGR ம் JJ யும் "ஜே ஜே" என சாராயக்கொடி நாட்டியதை நாடறியும்.

என் இறுதி மூச்சு இருக்கும் வரை மதுவிலக்குக் கொள்கையை நான் நிறைவேற்றுவேன் என என்னைப் பெற்ற அன்னை மீது உறுதி எடுத்துக் கொள்கிறேன்’ (2.12.1979 'அண்ணா’ நாளிதழ்) எனச் சொன்ன அன்றைய முதலமைச்சர் எம்.ஜி.ஆரால் இரண்டு ஆண்டுகள்கூட அதில் உறுதியாக இருக்க முடியவில்லை......

TASMAC க்கில்  அடிமை அதிமுக அரசு PASS MARK வாங்கி வரும் நிலையில் .....

இந்த வரலாற்றையெல்லாம் வசதியாக மறைத்துவிட்டு

 "பெரியாரையும் ,அண்ணாவையும், கலைஞரையும்" 

நோக்கி மட்டுமே உங்களது விரல்களும் நாவும் நீளுமென்றால்.....

அவற்றை வெட்டியெறிய எங்களுக்கு "திராவிடம்" கற்றுத் தந்துள்ளது, என்பதையும் மனதில் இறுத்துங்கள்.

இனிமேலும் யாராச்சும் வந்து

"திராவிடத்தால குடித்தோம், கெட்டோம்னு பதிவத் தூக்கீட்டு வருவீங்க"......

வாங்க....காத்திருக்கிறேன்....

பெரியாரின் பேரன் நான்.

ஆதார நூல்கள் :

"மதுவிலக்கு நேற்று, இன்று, நாளை" ஆசிரியர் கோ.செங்குட்டுவன்

கிழக்கு பதிப்பகம்.

"மதுவிலக்கு" :சின்னக்குத்தூசி

பதிப்பகம்:நக்கீரன் பப்ளிகேஷன்ஸ்.

Kautilya Arthashastra, R. P. Kangle, tr. 3 vols. Laurier Books, Motilal, New Delhi (1997) ISBN 81-208-0042-7

Kautilya: The Arthashastra . L.N. Rangarajan (Ed., Rearranger & Translator), 1992, Penguin Classics, India. ஐஎஸ்பிஎன் 0-385-49062-3'

Ajnapatra' by Ramchandra Pant AmatyaBoesche, Roger (2002). 

The First Great Political Realist: Kautilya and His Arthashastra. Lanham: Lexington Books......

திராவிட இயக்கம் தலித்களுக்கு செய்ததென்ன?

தேவேந்திரர் குரல் தேசம்... என்ற குழுவில் பெரியாரைப் பற்றி இழிவாகவும் பட்டியல் இன மக்களுக்கு திராவிட கட்சிகள் எதுவுமே செய்யவில்லையென்றும்...

"வாட்ஸ் ஆப் தகவல்களே வரலாறு" என்று எண்ணிக் கொண்டிருக்கும் சில அதிமேதாவிகள் புலம்பிக்கொண்டிருந்தனர்.

நான் மிகவும் நாகரீகமாக எதிர்க் கருத்தைப் பதிவிட்டேன்...

அதற்கு Valuthi Venthan ,  Sandhiyar Sandy ,  என்ற தோழர்கள் பதில்வினையாற்றினர்.

அவர்களுக்கு அங்கேயே பதில் சொல்வதைவிட தனிப்பதிவில் பதில் கூறுவதே சிறப்பாக இருக்கும் என்பதால் இப்பதிவு.....

அய்யா, Ariyalur Parobakari & விஸ்வநாதன் விஸ்வநாதன், பெரியார் எங்களுக்கு "ஊ...ப" கொடுக்கவில்லை...

அவர் ஒருவர் மட்டும் இல்லையென்றால் நீங்கள் தான் இன்னமும் "அவாளை"  ஊம்....க் கொண்டு இருந்திருப்பீர்கள்.

பட்டியலின மக்களுக்கு அப்படி என்னதான் செய்துவிட்டன திராவிட இயக்கங்கள் ? 

 “பள்ளர், பறையர் என்று இழிவாக உள்ள பெயரை மாற்றி ஆதி திராவிடர் என்ற பொதுப் பெயர் மாற்றம் செய்தது நீதிக்கட்சியின் ஆட்சி.

எண் 217 சட்டம் (பொது) நாள் 25.03.1922.

ஆதி திராவிடர் பிள்ளைகளைப் பொது பள்ளிகளில் கட்டாயமாகச் சேர்க்க அரசு ஆணை. G.O.No.87 நாள் 6.1.1923.

அரசு மானியம் பெறும் பள்ளிகளில் ஆதி திராவிடர் பிள்ளைகளைச் சேர்க்க மறுத்தால் அரசு மானியம் இரத்து செய்யப்படும். அரசு ஆணை G.O.No.88. நாள் 16.1.1923.

திருச்சி மாவட்ட நிர்வாகம் ஆதி திராவிடர் பிள்ளைகளை தனி இடத்தில் தங்கிப் படிக்க அனுமதி கோரியதை அரசு ஏற்க மறுத்து, ஆதி திராவிடப் பிள்ளைகளையும், மற்ற சாதிப் பிள்ளைகளையும் ஒன்றாகத்தான் படிக்க வைக்க வேண்டும் என்று ஆணை. G.O.No.2015 dated 11.2.1924.

இந்தியாவிலேயே முதன் முதலாக ஆதி திராவிட மாணவர்கள் இலவசமாகத் தங்கி படிக்க, ஆதி திராவிடர் மாணவர் விடுதி திறக்கப்பட்டது. G.O.No.2563 dated 24.10.1923.

1931க்குள் ஆதி திராவிட மாணவர்களுக்கு மூன்று விடுதிகள் ஏற்படுத்தப்பட்டன. (T.G.Boag ICS. Madras Presidency 1881 - 1931 பக்கம் 132).

ஆதி திராவிடர்களுக்கு இலவச வீட்டுமனைப் பட்டா வழங்க அரசாணை பிறப்பிக்கப்பட்டது. G.O. 1243.நாள்  5.7.1922.

ஆதி திராவிட மாணவர்கள் எஸ்.எஸ்.எல்.சி. தேர்வு எழுதத் தேர்வுக்கட்டணம் செலுத்தத் தேவையில்லை என்று அரசாணை பிறப்பிக்கப்பட்டது. G.O. 1241 சட்டம் (கல்வி) நாள் 17.10.1922.

ஆதி திராவிட வகுப்பு மாணவர்களுக்கு நான்காம் வகுப்பு முதல் கல்வி உதவித்தொகை வழங்கிட அரசாணைப் பிறப்பிக்கப்பட்டது. G.O. 1568 சட்டம், 

நாள் 06.11.1923

ஆதி திராவிட மாணவர்களுக்குச் சில பள்ளிகளில் தனி வகுப்பறைகள் இருந்ததை அரசு கண்டித்தது. ஆதி திராவிட மாணவர்களை அதிக எண்ணிக்கையில் சேர்த்துக் கொள்ளும் கல்வி நிறுவனங்களுக்கு அதிக அளவில் அரசின் பண உதவி அளிக்கப்படும் என்று அரசாணைப் பிறக்கப்பட்டது.  G.O.205 நாள் 11.02.1924.

மருத்துவக் கல்லூரியில் பயிலும் ஆதி திராவிடர் மற்றும் பின் தங்கிய சமூகத்தைச் சேர்ந்தவர்களுக்குக் கல்வி உதவித்தொகை வழங்க அரசாணை பிறப்பிக்கப்பட்டது. G.O. 866 (பொது) சுகாதாரம், நாள் 17.06.1922.

இந்தியாவில் இருந்த வேறு எந்த மாகாணத்திலும் இல்லாத அளவிற்கு ஆதி திராவிடர்களுக்குப் பஞ்சமி நிலத்தைப் பிரித்து வழங்கியது. நீதிக்கட்சி ஆட்சிக்கு வருவதற்கு முன்பு வரை, 1920-21 ஆதி திராவிடர்களுக்குக் கொடுக்கப்பட்டிருந்த பஞ்சமி நிலம் 19,251 ஏக்கர் மட்டுமே. ஆனால் நீதிக் கட்சி ஆட்சியில் 1931 வரை பிரித்துக் கொடுக்கப்பட்ட பஞ்சமி நிலம் 3,42,611 ஏக்கர் ஆகும். (சென்னை மாகாண அரசின் புள்ளிவிவர அதிகாரி எழுதிய Madras Presidency 1881 - 1931 என்ற நூல் பக்கம் 132.) மேலும் 1935 மார்ச் 31 வரை ஆதி திராவிடர்களுக்கு வழங்கப்பட்ட பஞ்சமி நிலத்தின் அளவு 4, 40, 000 ஏக்கராக உயர்ந்துள்ளதை ஜஸ்டிஸ் ஏடு, 19.7.1935 இல் சுட்டிக் காட்டியுள்ளது.

கல்வி, சுகாதாரம், பொதுப்பணி போன்ற முக்கியப் பணிகளை அப்போது உள்ளாட்சி நிர்வாகங்களே கவனித்து வந்தன. அந்த நிறுவனங்களில் ஆதி திராவிடர் ஒருவரை அரசு நியமனம் மூலம் அமர்த்தி அவர்களுக்கு ஆட்சி அதிகாரத்தில் பங்களித்தது நீதிக் கட்சியே. சென்னை மாகாணத்தில் உள்ளாட்சியில் ஆதி திராவிடர் பிரதிநிதித்துவம் பெற்றிருந்த விவரம்:

1920-21 மொத்த எண்ணிக்கை ஆதி திராவிடர் நியமனம் பெற்றவை மாவட்டக்கழகங்கள் (District Boards) 17 வட்டக்கழகங்கள் (Taluk Boards) 66 நகராட்சிகள் (Municipalities) 46 என்க.

ஆதி திராவிடர் பொது இடங்களில் புழங்குவதற்கு எதிர்ப்புத் தெரிவித்தால், அவர்களுக்குத் தண்டனை கொடுக்க வேண்டும் என்று இரட்டை மலை சீனிவாசன் 22.08.1924 இல் சென்னை சட்ட மன்றத்தில் கொண்டு வந்த தீர்மானத்தையும், வீரய்யன் 24.02.1925 இல் கொண்டு வந்த தீர்மானத்தையும் ஏற்றுக் கொண்டு சத்திரம், சாவடி, அரசு அலுவலங்கள், பொதுச் சாலைகள், பொதுக் கிணறுகள், போன்ற பொதுவான இடங்களில் ஆதி திராவிடர்கள் வருவதற்கு எதிர்ப்புத் தெரிவிப்பவர்களுக்கு ரூ 100 அபராதம் விதிக்கப்படும் என்று அரசாணையில் (Gazette Notification 08.04.1925 Part IV) தெரிவிக்கப்பட்டது. இந்த அரசாணையைத் தமிழ், தெலுங்கு, மலையாளம், கன்னடம் முதலிய மொழிகளில் வெளியிட்டதோடு தண்டோரா மூலம் சென்னை மாகாணம் முழுவதும் பொது மக்களுக்குத் தெரிவிக்கப்பட்டது. ஆதி திராவிடர்களுக்கு இருந்த சமூகத் தடைகளை நீக்க வழிவகை செய்தது நீதிக் கட்சியே.

1935 அரசியல் சட்டம் நடப்புக்கு வரும்வரை தாழ்த்தப்பட்டவர் நியமனம் மூலம் மட்டுமே பதவி வகித்தனர். அப்போது டெல்லியில் இருந்த சட்டசபைக்குப் பெயர் (MLA) Member of Legislative Assembly 1928இல் சென்னை சட்டமன்றம் மூலம் தேர்ந்தெடுக்கப்பட்டு டெல்லி சட்டசபைக்கு அனுப்பப்பட்ட முதல் தாழ்த்தப்பட்ட உறுப்பினர் எம்.சி.ராஜாதான். நீதிக் கட்சி ஆதரவு பெற்ற டாக்டர் சுப்பராயன் ஆட்சியில்தான் அது நிறைவேறியது. அவர் டெல்லி சென்றதால்தான் அகில இந்திய அளவில் தாழ்த்தப்பட்ட வகுப்பினரை ஒருங்கிணைக்க முயற்சி செய்ய முடிந்தது.

1921 - 22 இல் வகுப்புரிமை ஆணைகள் பிறப்பிக்கப்பட்ட போதிலும்,  பார்ப்பனர்கள் சென்னை உயர் நீதி மன்றத்தில் வழக்குத் தொடுத்து அதை நடைமுறைப் படுத்தாவண்ணம் இடையூறு செய்து வந்தனர். 1924 இல் அரசுப் பணிகளில் வேலைக்கு ஊழியர்களை அமர்த்துவதற்காக ஒரு ஆணையம் உருவாக்கப்பட்டது ‘Staff Selection Board ‘என்று அதற்குப் பெயர் அது தான் இப்போது T.N.P.S.C ஆக மாறியுள்ளது; 1925 முதல் அரசாங்க ஆண்டறிக்கைகளில் வகுப்பு வாரியாக அரசு ஊழியர்கள் விவரம் காலாண்டுதோறும் வெளியிடப்பட்டு வந்தது.

பனகல் அரசர் ஆட்சிக்காலத்தில் 1927-1926க்குள் ஆதி திராவிடர்கள் காவலர் பணியில் 382 பேரும், தலைமைக் காவலர் பணியில் 20 பேரும், துணை ஆய்வாளர் பணியில் ஒருவரும் அமர்த்தப்பட்டனர். 1935இல் துணைக் கண் காணிப்பாளர் வரை ஆதி திராவிடர் பதவி உயர்வு பெற்றனர்; 1927 இல் தான் ஆதி திராவிடர் ஒருவர் இன்ஸ்பெக்டராகத் தேர்வு செய்யப்பட்டுள்ளார்; (‘Staff Selection Board அறிக்கை பக் 120.) அந்த காலக்கட்டத்தில் இந்தியாவில் எந்த மாநிலத்திலும் ஆதி திராவிடர்களைக் காவல் துறையில் காவலர்களாக கூடச் சேர்த்துக் கொண்டதில்லை என்று எம்.சி ராசா 1928 இல் மத்திய அரசுக்கு அனுப்பிய அறிக்கையில் கூறியுள்ளார். (எம்.சி. ராசா வாழ்க்கை வரலாறும் எழுத்தும் பேச்சும் ஜெ. சிவசண்முகம் பிள்ளை, பக் 42).....

இவ்வளவு உரிமைகளையும் திராவிட இயக்கங்கள் வாங்கித் தரவில்லையென்றால் என்ன செய்துகொண்டு இருப்பீர்கள்.......என்பதை உங்கள் முடிவிற்கே விடுகிறேன்.

பெரியார் வழியில் ஆட்சி செய்த கலைஞரும், தற்போதைய திமுக வும் செய்த சாதனைகளை பதிவிட்டால் பதிவு பெரிதாகி விடும்.....எனவே அதை தனிப் பதிவாக இடுகிறேன்......

அடக்கம் உடையார் அறிவிலர்என் றெண்ணிக்

கடக்கக் கருதவும் வேண்டா – மடைத்தலையில்

ஓடுமீன் ஓட உறுமீன் வருமளவும்

வாடி இருக்குமாம் கொக்கு.....

இந்தப் பாடலின் பொருள் தெரிந்து கொண்டு நாவடக்கத்துடன் பதில் தரவேண்டும்......

என்ற எச்சரிக்கை விடும்.......

பெரியாரின் பேரன் நான்.