அப்பா என்னோட ஹீரோ" என்று நினைக்கும் பெண்கள

Bharathi kp
2019-09-16

"அப்பா என்னோட ஹீரோ" என்று நினைக்கும் பெண்கள் வளர்சிதை மாற்றத்தின் இடைநிலையில் இருக்கிறார்கள்.

தந்தையை ஹீரோவாக நினைக்கும் பெண்கள் மட்டும் தான் அதுபற்றி பேசுகிறார்கள். ஆதிக்கவாதியான தந்தையை கொண்ட பெண்கள் அது பற்றி பேசுவதில்லை. அதற்கும் வளர்ப்பு தான் கரணம். ஒத்து ஓதுபவர்கள் மட்டுமே பேச அனுமதிக்கப்படுவார்கள். எதிர்நிலையில் இருப்பவர்களுக்கு அமைதியாக இருக்கும் சுதந்திரம் மட்டுமே உள்ளது. ஏன்னா குழந்தைகளை நம்ம எல்லாருமே நாய்க்குட்டி போலத்தான் வளக்குறோம். அதிலும் பெண் குழந்தைகளை 'எமோஷனல்' டிபெண்டென்சில தான் தந்தைமார்கள் வச்சிருப்பாங்க. அதே வீட்டுல அந்த ஹீரோ தன்னோட ஹீரோயினியை எப்பிடி நடத்தினார்னு ஆராய்ச்சி பண்ண ஆரம்பிச்சா பெண்கள் சீக்கிரம் தந்தைமாரிடம் இருந்து விலக ஆரம்பிப்பார்கள். ஆண் தன் அம்மாவை பொறுத்தவரை ஒரு குட்டி முதலாளி. அவன் மீது செலுத்தப்படுவது 'முழு' அதிகாரமல்ல. ஆனால் மனைவி என்கிற நிலையில் ஒரு பெண் வரும்போது அம்மா போல பணிவிடை செய்வதை விரும்புகிறார்களே ஒழிய அம்மாவின் இடைநிலை அதிகாரம் அந்த பெண்ணுக்கு அனுமதிக்கப்படுவதில்லை.

ஆண்கள் தன மனைவி "தன் அம்மா" போல இருக்கணும்னு நினைக்கிறதில்லை. 'அப்பாவின் மனைவி' போல தன் மனைவி இருக்கணும்னு நினைக்கிறாங்க. பெண்கள் தன் 'அப்பா' போல புருசன் இருக்கணும்னு நினைக்கிறாங்க. 'அம்மாவின் புருசன்' போல தன் புருசன் இருக்கணும்னு நினைக்கிறதில்லை. அதிகாரம் தான் மேட்டர். பெண் எப்போதும் முழு அதிகார நிலையை அடைய அனுமதிக்கப்படுவதில்லை. அதனால தனக்கு ஓரளவு சுதந்திரம் இருப்பதை சிலாகித்துக்கொள்கிறாள். எந்த பெண்ணாவது தன் அம்மா போல ஆகவேண்டும் என்று விரும்பியதை பார்த்திருக்கிறீர்களா? ஆனால் அப்பாவை போல ஆக விரும்பும் பல ஆண்கள் உண்டு. குடும்ப அமைப்பிலே அதிகார சமநிலை கிடையாது. அவரவர் இருக்க விரும்பும் இடம் தனக்கு என்ன விதமான அதிகாரம் இருக்கிறது என்பதை பொறுத்தது தான்.

இது எல்லாமே தோழர்கள் குடும்பங்களையும் சேர்த்தது தான்.

தன் பிறந்த நாளுக்கு இத்தகைய சிந்தனை தான் பெருசுக்கு வாழ்த்தாக இருக்க முடியும்.

https://www.facebook.com/100002094528574/posts/2517632991649827/