டூ வீலர் ஓட்டும் பெண்களுக்கு விண்ணப்பம்

டூ வீலர் ஓட்டும் பெண்களுக்கு விண்ணப்பம்: 

* மாஸ்க் ஹெல்மெட் அணிவது கஷ்டம்தான். இந்தத் திருவோடு மாதிரி ஒரு மாடல் விற்கிறது அல்லவா....அதைப் போடலாம். 

* ரியர்-வ்யூ மிரர் நாட்டு நாய் காதுகள் மாதிரி ஒவ்வொண்ணும் ஒவ்வொரு பக்கம் இருக்கும். அதை tight வைத்து ரியர் பார்த்துப் பழகலாம்.

* சிக்னலிலிருந்து கிளம்பும்போது flight தனது சக்கரங்களைத் தூக்காமல் கொஞ்ச தூரம் பறப்பது போல், ரெண்டு பக்கமும் கால்களை ரோட்டிலிருந்து ரெண்டு இன்ச் உயரத்தில் வைத்து பயணிப்பதைத் தவிர்க்கலாம். 

* பின்னால் அமர்ந்திருக்கும் குழந்தை உங்கள் முதுகின் நேர் எதிர்புறம் அமர்ந்து வருவதை என்கரேஜ் செய்யவேண்டாம்.

* ஒரு குறுகிய சந்தில் முன்னால் நிறைய வண்டிகள் நிற்கும்போது, எதிரிலிருந்து வரும் வாகனத்துக்கு வழி கொடுக்காமல் ஃபுல் ரைட்டில் புத்திசாலிதனமாய் ஏறிப் போய் நின்று டார்ச்சர் செய்வதை அறவே தவிர்க்கலாம். 

* வழியில் கடையில் ஏதாவது வாங்கப் போகும்போது குழந்தையை அப்படியே பைக்கில் அரிசி மூட்டையைப்போல் விட்டுச் செல்வதைத் தவிர்க்கலாம்.

* எங்காவது வண்டி ஓட்டும்போதுசொதப்பி யாராவது திட்டினால் என்ன நடந்தது என்றே தெரியாததுபோல் ஒரு சின்னப் பப்பா முகத்தோடு எஸ்கேப் ஆகாமல் நின்று திட்டு வாங்கிக் கட்டிக்கொண்டு திருந்தலாம்.

..இன்னும் நிறைய ...லாம் இருக்கு.... இப்போதைக்கு இது செய்தாலே போதும்...

- Prabhu Kalidas